Бүгүн, атырдьах ыйын 5 күнүгэр, улуус баһылыга Василий Аммосов 2-с Байаҕантай нэһилиэгэр үлэлээтэ. Бу туһунан улуус дьаһалтатын пресс-сулууспата иһитиннэрдэ.
Тиит Арыы бөһүөлэгин иһинэн киирэн ааһар 1 км уһуннаах суолу өрөмүөннүүргэ улуус бюджетыттан 3,8 мөл. солк. үбүлэммит. Манна уу сүүрэр сирдэринэн үс турба угуллубут, буор уонна щебенка кутуллубут. Баһылык өрөмүөн хайдах оҥоһуллубутун көрөн, үлэ түмүгүн тутта.
Итини таһынан Тиит Арыыга «Үтүө дьыала» хамсааһын уонна улуус бюджетын үбүлээһиннэринэн эдэр специалистарга 4 кыбартыыралаах дьиэни тутуу саҕаланна. Быйыл былаан быһыытынан көҥдөйүн бүтэриэхтээхтэр.