Сыырдаахха буулдьалаах саанан ытыыга күрэх буолла

Олунньу 18 күнүгэр Бэрт Ууһун нэһилиэгэр биир дойдулаахпыт полиция капитана, «Мужество» орден кавалера Василий Васильевич Бурцев аатынан буулдьалаах саанан сыалы ытыы күрэҕэ сэттис төгүлүн үрдүк таһымҥа буолан ааста.

Бу күрэҕи 2018 сылтан бииргэ төрөөбүттэрэ Егор Васильевич, Анна Васильевна, Алексей Васильевич, бука бары аймахтара, Василий Васильевич Бурцев огдообото Айталы Алексеевна Сергеева, оҕолоро, Уус Алдан улууһун полиция отделын коллектива (нач. Д.В. Скрябин), бииргэ алтыспыт, үлэлээбит дьоно, табаарыстара, однокурсниктара, Сыырдаах орто оскуолатыгар бииргэ үөрэммит одноклассниктара көҕүлээн, тэрийэн нэһилиэк эр дьоно, ыччата буулдьалаах саанан ытыыга утумнаахтык дьарыктаналларын туһугар нэһилиэккэ биир саамай улахан түһүлгэлээх спорт көрүҥэ сайдарыгар киллэрбит кылааттарын сыаналыыбыт уонна улахан махталбытын тиэрдэбит!

Ол курдук буулдьалаах саанан сыалы ытыы күрэҕэр барыта 40-тан тахса кыттааччы түмсэн күөн көрүстэ. Быйылгы күрэххэ оскуола үөрэнээччилэрэ кыттыыны ылбыттара кэрэхсэннэ. Оскуола үөрэнээччилэрин икки ардыларыгар: Айаал Стручков Василий Бурцев бииргэ төрөөбүттэрэ, Александр Бурцев олохтообут пневматическай саанан, Коля Иванов Уус Алдан улууһун полиция отделын коллектива (нач. Д.В. Скрябин) туруорбут бирииһинэн, Толя Копырин Сыырдаах орто оскуолатын 1983 сыллаахха бүтэрбит выпускниктар туруорбут бириистэринэн, Айтал Тарскай кыайыыга дьулуурун иһин Уус Алдан улууһун полиция отделын кэлэктиибэ туруорбут бирииһинэн наҕараадаланнылар.

Салгыы 40 сааһыгар диэри бөлөххө: Тарскай Лаврентий Александр Бурцев туруорбут пневматическай саанан, Афанасий Копырин Алексей Бурцев дьиэ кэргэнэ туруорбут бирииһинэн, Семен Сенин Василий Бурцев оҕолоро, сиэннэрэ туруорбут бирииһинэн, Анатолий Копырин Бэрт Ууһун нэһилиэгин дьаһалтата (баһ. И.П. Ильин) туруорбут бирииһинэн бэлиэтэннилэр, 40-55 сааһыгар диэри бөлөххө: Иван Ефимов Василий Бурцев бииргэ төрөөбүттэрэ, Александр Бурцев олохтообут пневматическай саанан, Олег Черкашин Алексей Бурцев дьиэ кэргэнэ туруорбут бирииһинэн, Николай Иванов Василий Бурцев оҕолоро, сиэннэрэ туруорбут бирииһинэн, Иван Стручков Бэрт Ууһун нэһилиэгин дьаһалтата (баһ. И.П. Ильин) туруорбут бирииһинэн наҕараадаланнылар.

55-тэн үөһээ саастаахтарга диэри бөлөххө: Валерий Стручков Василий Бурцев бииргэ төрөөбүттэрэ, Александр Бурцев олохтообут пневматическай саанан, Иван Неустроев Сыырдаах орто оскуолатын 1982 выпустара олохтообут анал бирииһинэн «Булчут рюкзага» наборунан, мэтээлинэн, грамотанан, Василий Копырин Василий Бурцев оҕолоро, сиэннэрэ туруорбут бирииһинэн, Семен Сенин Бэрт Ууһун нэһилиэгин дьаһалтата туруорбут бирииһинэн бэлиэтэннилэр.

Тыҥааһыннаах күрэх түмүгүнэн, финалга Лаврентий Тарскай бэргэнник ытан, иккис төгүлүн күрэх муӊутуур кыайыылааҕынан ааттанан, көһөрүллэ сылдьар кубогынан, Василий Бурцев бииргэ үөрэммит однокурссниктара олохтообут 10 000 солк. суумалаах сертификатынан, мэтээлинэн уонна грамотанан наҕараадаланна. Иккис миэстэни Олег Черкашин ылары ситиһэн Матрена Дмитриевна Ширяева (Данилова) оҕолоро, сиэннэрэ олохтообут 7 000 солк. сертификатынан наҕараадаланна. Үһүс миэстэни Николай Иванов ылан, Василий Бурцев оҕолоро, сиэннэрэ туруорбут күлүүс наборун бирииһинэн наҕараадаланна. Маны сэргэ “Эдэр кэскиллээх кыттааччы” – Илхан Сергеев — Айталы Алексеевна олохтообут анал бирииһинэн, “Сүүс очкуо” – оруобуна сүүс очкуону ылан Иван Ефимов Мария Семеновна Гоголева оҕолоро, сиэннэрэ олохтообут анал бирииһинэн, “Бэриниилээх кыттааччы” – Александр Петров Василий Бурцев оҕолоро, сиэннэрэ туруорбут бирииһинэн, “Кэрэ аҥаар кыттааччы” – Ульяна Черкашина Василий Бурцев оҕолоро, сиэннэрэ туруорбут бирииһинэн, “Ыраах сиртэн кэлбит кыттааччы” – Бурцева Камилла Анна Семеновна Данилова олохтообут сертификатынан наҕараадаланнылар. “Саамай кыра ыалдьааччынан” Айдын Сергеев, “Көхтөөх кыттааччы” – Семен Черкашин, полиция сотрудниктара Алексей Кириллов, Николай Михайлов, Петр Степанов, “Инникилээх ытааччы” – Сыырдаах орто оскуолатын үөрэнээччитэ Толя Копырин ааттаннылар. Саамай элбэхтэ 10 очкуону табан, Афанасий Копырин Василий Бурцев оҕолоро, сиэннэрэ туруорбут бирииһинэн наҕараадаланна. Күрэх кылаабынай судьуйатыгар Ольга Куличкинаҕа Уус Алдан улууһун полиция отделын кэлэктиибэ (нач. Скрябин Д.В.) туруорбут бирииһэ туттарылынна.

Биир дойдулаахпыт полиция капитана, «Мужество» орден кавалера Василий Васильевич Бурцев аатынан буулдьалаах саанан сыалы ытыы күрэҕэ үрдүк таһымӊа барарыгар бары кыһамньыларын ууран туран үлэлэспит, тэрийбит, спонсордаабыт биир дойдулаахтарбытыгар барҕа махталбытын тиэрдэбит!

Ульяна Копырина.