Олимпийскай эрэллэри бэлэмниир Бороҕоннооҕу успуорт оскуолатын иһинэн Мындаабатааҕы тустуу саалатыгар саахымат лааҕырын үһүс сезона атырдьах ыйын 1 күнүттэн арыллан үлэлиир.
– Тренер Артамон Максимов 14 күн иһигэр 20 оҕону тобуллаҕас өйдөөх саахыматчыттар эйгэлэригэр сыһыарар. Лааҕыр иитээччилэринэн Диана Сивцева, медүлэһитинэн Саргылаана Гоголева үлэлии сылдьаллар. Оҕолор саахымат хонуутун хаамыыларын олус интэриэһиргээн үөрэтэллэр, эт-хаан өттүнэн хамсанар араас оонньууларга кытталлар, – диэн лааҕыр начальнига Тамара Березкина билиһиннэрдэ.
