Бүгүн «Мүрүчээнэ» оҕо тэрилтэтигэр биир идэлээхпит, СР үөрэҕириитин туйгуна Ольга Татаринова — Чуораайытта «Олоҕум оһуордара» хоһооннорун кинигэтин биһирэмэ үрдүк таһымнаахтык ыытылынна.
Үөрэх управлениетыттан начальнигы солбуйааччы Любовь Кондратьева, оскуола иининээҕи үөрэхтээһин отделыттан Алена Шубина, Евдокия Ефимова-Ушницкая, Саина Слепцова, улуус үөрэҕин үлэһиттэрин профсоюзнай комитетыттан председатель Николай Готовцев уонна Татьяна Бурцева, улуустааҕы «Уһуктуу» литературнай түмсүүттэн салайааччы Галина Аммосова, Мария Иванова кэлэн эҕэрдэ бастыҥын анаатылар.
Сэбиэдиссэйбит Күннэй Жиркова Ольга Михайловнаҕа профсоюз председателин быһыытынан күүс-көмө буоларын бэлиэтээн туран эҕэрдэ суругу, бэлэҕи туттарда. Ольга Михайловнаны кытта өр сыл бииргэ алтыспыт Любомира Дегтярева авторга оҥорбут оһуордарыгар хоһооннору айбытыгар махтанан туран сэмэй бэлэҕин утары уунна.
Тэрээһиҥҥэ иитиллээччилэрбит, үлэһиттэрбит хоһоон ааҕан иһитиннэрдилэр, Ольга Михайловна хоһоонунан айыллыбыт ырыаларын иһиттибит.
Түмүккэ автор барыбытын кинигэтин моһуонунан оҥоһуллубут минньигэс тордунан күндүлээтэ. Биһирэмҥэ мустубуттар Ольга Михайловнанан туһулаан маннык айымньылаахтык үлэлиир, сахаларын тылын өрө тутар иитээччилэр элбии туралларыгар үтүө баҕа санаалаах тарҕастыбыт.
Анна Алексеева, бас иитээччи