Саха сириттэн дойдуларын көмүскээбит, олохторун толук уурбут буойуттар сырдык өйдөбүллэрин үйэтитиигэ сүдү кылаатын киллэрбит, Аҕа дойду Улуу сэриитин бэтэрээнэ Иван Михайлович Павлов аатынан өрөспүүбүлүкэтээҕи научнай-практическай кэмпириэнсийэҕэ кыттыыны ылан кэллибит. Бу тэрээһин олунньу 11 күнүгэр буолан ааста.
Үгэскэ кубулуйбут кэмпириэнсийэ Иван Михайлович аатынан Чурапчы орто оскуолатыгар быйыл 9-с төгүлүн ыытылынна. Кэмпириэнсийэҕэ барыта100-тэн тахса кыттааччы биэс хайысханан дакылаат аахтылар. Быйыл өссө аҕыйах оҕо дии санаатым. Ыраах улуустартан Бүлүү, Кэбээйи эрэ бааллар. Уус Алдантан Окоемовка оскуолатыттан баран кыттыыны ыллыбыт. Оҕолор бэрт ситиһиилээхтик кытыннылар.
Ол курдук Неустроева Сусанна (6-с кылаас) макет оҥоруутугар 3-с м., Оконешникова Арина (7-с кылаас) дакылаакка 2-с м., Местников Вася (6-с кылаас) дакылаакка 2-с м ылаттаатылар. Оҕолор салайааччылара Д. Капитонова, Нь. Пинигина, Г. Пестряков.
Геннадий Пестряков, учуутал