Бүгүн улууспутугар Саха Өрөспүүбүлүкэтин үлэҕэ уонна социальнай сайдыыга миниистирин солбуйааччы Елена Теплякова үлэлээтэ.
Үлэтин сүрүн сыала – эһиил биһиги улууспутугар ыытыллыахтаах оҕону иитэ ылбыт дьиэ кэргэттэргэ аналлаах өрөспүүбүлүкэтээҕи ыһыаҕы тэрийии, ыытыллар миэстэтин быһаарыы. Тэрээһин мунньахха, дьиэ кэргэн уонна демография департаменын салайааччытын солбуйааччы Лана Петрова Уус Алдан улууһугар оҕону иитэ ылбыт дьиэ кэргэн элбэҕин, Уус Алдан улууһа атын улуустарга холобур буоларын бэлиэтээн эттэ.
Салгыы миниистири солбуйааччы бэйэтин туһааннаах салайар тэрилтэлэрин көрүөҕэ, үлэни-хамнаһы билсиэҕэ.
Уус Алдан улууһун дьаһалтатын пресс-сулууспата