«Мүрүчээнэ» оҕо тэрилтэтигэр Педагог уонна настаабынньык сылын түмүктүүр «Творческай тандем» тэрээһиммит өрө көтөҕүллүүлээхтик ааста.
Настаабынньыктар уһуйар педагогтарын кытта бииргэ талааннарын көрдөрдүлэр. Ким викторина, ким оонньуу ыытан, ол быыһыгар үҥкүүлээн сөхтөрдүлэр. Ыҥырыылаах ыалдьыппыт аҕа саастаах настаабынньыкпыт Галина Иванова–Айтыына Пелагея Парниковалыын олоҥхоттон ыйытыктарынан тургутан көрдүлэр. Иитиллээччилэрбит «Алыптаах хонуу», «Юнион», «Созвездие» бэлэмнэнии бөлөх оҕолоро эҕэрдэлээн долгуттулар. Галина Никитичнаҕа уонна сыл устата таһаарыылаахтык үлэлээбит настаабынньык Олеся Ушницкаяҕа түөскэ кэтиллэр анал бэлиэни сэбиэдиссэй Светлана Рожина туттарда.
Ааһан эрэр сылы араас таһымнаах тэрээһиннэргэ, күрэхтэргэ кыттан үрдүк көрдөрүүлээх түмүктээн эрэрбититтэн бары да сүргэбит көтөҕүллэр. Ол курдук Ульяна Омукчанова, Ольга Татаринова Саха Өрөспүүбүлүкэтин үөрэҕириитин туйгуна, Лидия Петрова Саха Өрөспүүбүлүкэтин үөрэхтээһинин ситимин бочуоттаах бэтэрээнэ буоллулар. Любомира Дегтярева өрөспүүбүлүкэҕэ настаабынньыктар куонкурустарыгар кыайан 50 000 солк. премия ылары ситистэ. Оттон бу үлэни сүрүннээбит бас иитээччи Анна Алексеева «Сыл бастыҥ бас иитээччитэ» анал аатынан бэлиэтэннэ. Кэлэр сыл дойду үрдүнэн Дьиэ кэргэн, өрөспүүбүлүкэҕэ Оҕо саас сылынан биллэриллэн үлэлиирбит өссө да иннибитигэр турар диэн санаанан сылбытын түмүктээтибит.
Анна Алексеева, бас иитээччи