Мүрү 1 нүөмэрдээх орто оскуолатын тэрийиитинэн быйыл алтыс төгүлүн «Мүрү боотурдара» успуорт төрүт көрүҥнэригэр уолаттар ортолоругар күрэхтэһии саҕаланна. Бу оонньууну 2017 сыллаахха оччолорго оскуола дириэктэрэ Семен Бурнашев саҕалаабыта.
Быйылгы күрэхтэһии 7 көрүҥтэн турар: бэйэни билиһиннэрии, үс төгүл үс, тутум эргиир, мас тардыһыыта, өһөс торбос, хапсаҕай, ыараханы көтөҕүү. Күрэхтэһии кыттыылаахтарын билиһиннэрэбин:
Долун Жирков
Айаал Гуляев
Марсен Лыткин
Богдан Дугунов
Владимир Мигалкин
Дьулусхан Сивцев
- Долун Жирков – Мүрү 1 нүөмэрдээх орто оскуолатын 11 «а» кылааһын үөрэнээччитэ, мас тардыһыытыгар өрөспүүбүлүкэ 2021 сыллааҕы чөмпүйүөнэ, улуустааҕы «Өбүгэ оонньуулара» күрэхтэһии 2023 сыллааҕы чөмпүйүөнэ, өрөспүүбүлүкэ призера.
- Айаал Гуляев – УҺун Күөл орто оскуолатын 10 кылааһын үөрэнээччитэ, мас тардыһыытыгар 2022, 2024 сс. Арассыыйа чөмпүйүөнэ, өрөспүүбүлүкэ үс төгүллээх чөмпүйүөнэ, элбэх турнир кыайыылааҕа, 1500 м. сүүрүүгэ 2023 сыллааҕы улуус чөмпүйүөнэ.
- Марсен Лыткин – Уһун Күөл орто оскуолатын 10 кылааһын үөрэнээччитэ, мас тардыһыытыгар өрөспүүбүлүкэ призера, Анапаҕа ыытыллыбыт Бүтүн Арассыыйатааҕы турнирга 2-с миэстэлээх, улуус чөмпүйүөнэ, призера.
- Богдан Дугунов – УҺун Күөл орто оскуолатын 10 кылааһын үөрэнээччитэ, мас тардыһыытыгар өрөспүүбүлүкэҕэ 2 төгүллээх 4-с миэстэлээх, улуус чөмпүйүөнэ, призера.
- Владимир Мигалкин – Мүрү 2 нүөмэрдээх орто оскуолатын 10 кылааһын үөрэнээччитэ, мас тардыһыытыгар өрөспүүбүлүкэҕэ, улууска чөмпүйүөн, призер.
- Дьулусхан Сивцев – Мүрү 2 нүөмэрдээх орто оскуолатын 10 «в» кылааһын үөрэнээччитэ, көҥүл тустууга өрөспүүбүлүкэ, улуус чөмпүйүөнэ, призера, УҺук Илин күрэхтэһиитигэр призер, Казахстаҥҥа 2019 с. ыытыллыбыт аан дойдутааҕы турнирга 3-с миэстэлээх.
Күрэхтэһии аһыллыытыгар Мүрү нэһилиэгин баһылыга Прокопий Румянцев, оскуола дириэктэрин иитэр үлэҕэ солбуйааччы э.т. Анастасия Татаринова тыл эттилэр, күрэхтэһии кыттыылаахтарыгар ситиһиини баҕардылар.
Елена Сыроватская, уопсас. кэрэсп.