Аҕа дойду Улуу сэриитин кэмигэр Ленинград куорат блокадаттан босхоломмута тохсунньу 27 күнүгэр 80 сылыгар аналлаах библиотечнай уруогу улуустааҕы оҕо бибилэтиэкэтин үлэһиттэрэ Надежда Гоголева, Варвара Неустроева ыытан саҕалаатылар. Бастакынан Мүрү 1 нүөмэрдээх орто оскуолатын 6 «б» (кыл.сал. Федора Бурнашева), 8 «а» (кыл.сал. Надежда Лазарева) кылаастарын оҕолоро сылдьан блокада туһунан билиилэрин хаҥаттылар.
Уруок бастакы чааһыгар Надежда Гоголева Ленинград блокадатын туһунан кинигэлэри, хартыыналары көрдөрөн бэсиэдэ оҥордо. Блокада хара килиэбин, Таня Савичева күннүгүн, «Олох суола» диэн ааттаммыт Ладога күөлүнэн куорат олохтоохторун аһынан-үөлүнэн хааччыйбыт аллараанан сибээс туһунан кэпсээтэ.
Уруок иккис чааһыгар Ленинград блокадатын туһунан документальнай киинэни көрдөрдүлэр. Нуучча сэбиэскэй поэтессата Ольга Берггольц «Ким да умнуллубат, туох да умнуллубат» диэн тылларынан уруок түмүктэннэ. Библиотечнай уруоктар бу нэдиэлэ устата ыытыллаллар.
Елена Сыроватская, уопсас. кэрэсп.