Бүгүн Курбуһахтааҕы кырдьаҕастар дьиэлэригэр олус үөрүүлээх, долгутуулаах күн буолла. Н.Н.Окоемов аатынан Курбуһах орто оскуолатын үөрэнээччилэрэ «Отонноотоххо оҥоойук туолар» үтүө санаа акциябытыгар кыттан учууталларын салалтатынан күргүөмүнэн тыаҕа тахсан отонноон киллэрэн кырдьаҕастарбытыгар бэлэх ууннулар.
Мип-минньигэс харааччы буспут отоннору оскуола боруогун саҥа атыллаабыт оҕолортон саҕалаан 11 кылаас үөрэнээччилэригэр тиийэ бука бары ис-сүрэхтэриттэн кыһаллан хомуйан аҕалбыттара кырдьаҕастарбытын олуһун долгутта, үөртэ. Оҕолорбут үтүө санааларынан уһун кыһыҥҥа кырдьаҕастарбыт битэмииннээх утаҕы астына иһиэхтэрэ, оҕолорго махтанан ахтыахтара-саныахтара.
Үөрүүлээх күнү бэлэхтээбит оскуола коллективыгар (директор Г.Г.Бурнашев), күндү оҕолорбутугар интернат-дьиэ бары олохтоохторун, үлэһиттэрин ааттарыттан олус улахан махталбытын тиэрдэбит! Үтүө санааҕытынан салайтаран ситиһиилээхтик үөрэх-үлэ үөһүгэр үөрэ-көтө сылдьаргытыгар, бары үтүөнү, кытаанах доруобуйаны баҕарабыт!
Мария Винокурова