Кэптэнигэ биэс сыллааҕыта «БЛЕСТЯЩИЙ ОРЕЛ» бильярд кулуубун тэрийбит Алексей Никифоров эргиччи үйэ аҥаара үбүлүөйдээх сылыгар (о.э. оскуоланы бүтэрбитэ, үлэһит, ыал буолбута 50 сыла) сөп түбэһиннэрэн, бэйэтин төрөөбүт күнүгэр 55 саастарын ааспыт ветеран оонньооччуларга улуустааҕы турниры тэрийдэ.
Манна Хороттон, Бэрт Ууһуттан, Суоттуттан, Мүрүттэн, 2-с Лөгөйтөн, Өнөртөн, Дүпсүнтэн уонна олохтоохтортон бильярд спордун сэҥээрээччилэр кытыннылар. Кыайыылааҕынан Сыырдаах олохтооҕо Прокопий Колодезников таҕыста, 2-с миэстэни Кэптэниттэн Петр Готовцев ылла, 3-с миэстэни Сыырдаахтан Иван Охлопков уонна Кэптэниттэн Августина Татаринова үллэһиннилэр.
Ону сэргэ кыттааччыларга анал ааттар иҥэрилиннилэр. Онуоха «Саамай саастаах оонньооччу” ааты сүкпүт Петр Готовцев (Кэптэни), »Пирамидаттан бастакы шары киллэрбит» Эдуард Николаев (Суотту), »Элбэх шары киллэрбит” Гаврил Афанасьев (Өнөр), «Икки шары субуруччу киллэрбит» Алексей Дьяконов (Өнөр) турнир хаһаайынын дьиэ кэргэнэ олохтообут бириистэрин туттулар.
Екатерина Мигалкина, уопсас. кэрэсп.