Бүгүн Дьокуускай куоракка «Триумф» успуорт уораҕайыгар академик В.П.Ларионов аатынан XXIX өрөспүүбүлүкэтээҕи “Инникигэ хардыы” эдэр чинчийээччилэр ортолоругар научнай-практическай конференция саҕаланна.
Манна барыта 1600-тэн тахса үөрэнээччи 40 секциянан тарҕанан үлэлэрин көмүскүөхтэрэ. Биһиги улууспутуттан 10 нэһилиэктэн 13 оскуолаттан барыта 57 оҕо кытта сылдьар.
Конференция үөрүүлээх арыллыытыгар СӨ Ил Дархана Айсен Николаев, үөрэх миниистирэ Нюргуна Соколова, СӨ Билим дьоҕус академиятын дириэктэрэ Василий Павлов , ХИФУ ректора Анатолий Николаев кыттыыны ыллылар.
Мария АРГУНОВА