I Өспөх нэһилиэгэр аҕам саастаахтар Физкультурник күнүнэн күрэхтэстилэр

Россияҕа физкультурник күнүнэн I Өспөх нэһилиэгин аҕам саастаахтарыгар бэрт сэргэх тэрээһин буолан ааста.

Ол туһунан бу күрэҕи тэрийэн ыыппыт, спорду өрө туппут дьиэ кэргэн Анна Петровна уонна Николай Николаевич Фёдоровтар маннык кэпсииллэр:

– Россияҕа физкультурник күнүнэн бэтэрээннэргэ биирдиилээн бастыыр иһин оҕунан ытыыга уонна дартска күрэхтэһии ыыттыбыт. Барыта 8 бэтэрээн дьахтар илин-кэлин түсүһэн кыайыылаахтары быһаарыстылар.

Оҕунан ытыыга: 1 м. – Саргылаана Копырина, 2 м. – Галина Бурцева, 3 м. – Ирина Пестрякова; дартска: 1 м. – Антонина Чемезова, 2 м. – Галина Бурцева, 3 м. – Саргылана Жиркова буоллулар.

Кыайыылаахтар грамотанан, мэтээлинэн наҕараадаланнылар.