Хомустаах бөһүөлэгэр биир дойдулаахпыт авиация подполковнига С.С. Никифоров аатынан 10-с төгүлүн ыытыллыбыт волейбол кубога түмүктэннэ. Икки күн устата олус күүстээх уонна хатыһыылаах оонньуулар буоллулар. Уопсайа кыргыттар уонна уолаттар 8 хамаандалара кииристэ.
Тыҥааһыннаах киирсии түмүгүнэн, кыргыттарга I м – Хомустаах, II м – Чэриктэй, III м Чараҥ хамаандалара буоллулар. Уолаттарга Тулуна – I м, Хомустаах – II м, Тумул III миэстэни ылары ситистилэр.
Кыргыттарга «Лучший нападающий» анал номинацияны Чэриктэйтэн – Варвара Салышева, уолаттарга Хомустаах хамаандатыттан – Егор Ноговицын, кыргыттарга «Лучший разыгрывающий» – Чараҥтан Женя Егорова, уолаттарга – Тумултан Александр Алексеев, кыргыттарга «Лучший защитник» – Хомустаахтан Кристина Петухова, уолаттарга – Тулунаттан Семен Васильев, «Лучший игрок» – Хомустаахтан Екатерина Ховрова, уолаттарга – Тулунаттан Максим Гоголев буоллулар.
Уопсай түмүккэ III миэстэни Тумул хамаандата ылан 35000 солк. наҕараадаланна. II миэстэҕэ Тулуна хамаандата тиксэн 50000 солк. тутта. Уонна I миэстэҕэ олох үчүгэй көрдөрүүлээх Хомустаах хамаандата тахсан, 100000 солк. уу харчынан наҕараадаланна.
Быйыл 10-с үбүлүөйдээх оонньууга кубокпыт Хомустаахпытыгар хаалан, үөрүү-көтүү өрөгөйүн биллибит.
Күрэхтэһиибит спонсордарыгар Семен Семенович Никифоров кэргэнигэр Анна Анисимовнаҕа, кыргыттарыгар Оксана Семеновнаҕа, Юлия Семеновнаҕа, күтүөттэригэр Андрей Петрович Ефимовка, Валерий Иванович Готовцевка, уолугар Семен Семеновичка, кийиитигэр Мария Николаевна Никифоровтартарга, ону тэҥэ сиэн оҕолоругар Хомустаахтар ааттарыттан барҕа махталбытын биллэрэбит.
Бука бары спонсордаабыт дьоммутугар «Аартык», «Ассорти» маҕаһыыннарга, Хомустаах сүрүн оскуолатыгар, «Хомусчаан» оҕо саадыгар, Хомустаахтааҕы ДьУоКХ коллективыгар, «Быйаҥ» б/х салайааччытыгар И.И. Бурнашевка, «Сабарай» б/х салайааччытыгар И.П. Гоголевка; Мария, Петр Егоровтар дьиэ кэргэннэригэр, Хомустаах бөһүөлэгин кыра тэрилтэлэрин холбоһуктарыгар (библиотека, кулууп, почта, ТОС, ФАП, ветпункт коллективтарыгар) улахан махталбытын биллэрэбит. Маны таһынан икки күн устата минньигэс аһынан хааччыйбыт оскуола коллективыгар, Эльвира Эдуардовна Федороваҕа, Ольга Степановн Атаковаҕа, Екатерина Васильевна Охлопковаҕа, Александра Николаевна Прядезниковаҕа, Анастасия Ивановна Борисоваҕа, Леонид Петровичка, Мария Алексеевна Бурнашеваҕа махтанабыт. Бука бары өрүү түмсүүлээх буолуохха.
Анна Бечеканова, Хомустаахтааҕы сынньалаҥ киин сэбиэдиссэйэ