Хомустаах сэлиэнньэтигэр гвардия сержана, «Эр санаа» уордьан кавалера Гаврил Гаврильевич Попов аатын үйэтитэр буулдьалаах саанан ытыы күрэҕэ II төгүлүн буолла.
Күрэхпит ыҥырыылаах ыалдьыттарынан СӨ байыаннай дьайыылар бэтэрээннэрин «За Отечество» ассоциациятын бэрэссэдээтэлэ Иван Черкашин, анал байыаннай дьайыы кыттыылаахтарын өйүүр «Якутия с тобой» түмсүү хос бэрэссэдээтэлэ Анна Ефимова, РФ ДОСААФ тэрилтэтин Саха сиринээҕи салаатын бэрэссэдээтэлин солбуйааччы Николай Семенов, РФ ДОСААФ тэрилтэтин Саха сиринээҕи салаатын сүрүннүүр исписэлииһэ Роман Семенов буоллулар.
Уопсайа 57 киһи кыттынна, ол иһигэр 5 сүүмэрдэммит хамаанда, 13 байыаннай дьайыылар бэтэрээннэрэ. Байыаннай дьайыылар бэтэрээннэрин бэйэлэрин икки ардыгар “Куропатка ВПп” көрүҥҥэ күөн көрүстүлэр, тыҥааһыннаах киирсии түмүгүнэн Гаврил Алексеев тэҥнээҕин булбата, 2-с миэстэҕэ Василий Протопопов, 3-с миэстэҕэ Петр Степанов таҕыстылар.
Саҥа «Штурмовой» көрүҥҥэ муҥутуур кыайыылааҕынан Александр Бочкарев буолан, Петр Попов дьиэ кэргэнэ туруорбут анал бирииһинэн наҕараадаланна. Хамаанданан киирсиигэ күрэхтэһии түмүгүнэн 3-с миэстэ «Мүрү» хамаанда, 2-с миэстэ «Сыырдаах» уонна кыайыылааҕынан «Мындааба» хамаандалара буоллулар.
Анал байыаннай дьайыы кыттыылаахтарын өйүүр «Якутия с тобой» түмсүү хос бэрэссэдээтэлэ Анна Ефимова Гаврил Попов улахан уолугар Генаҕа «Эдэр кэскиллээх ытааччы» диэн олохтообут бирииһин туттарда.
Күрэхтэһиини сүүрэн-көтөн тэрийбит олохтоох дьаһалтаҕа, Лөгөй нэһилиэгин баһылыгар Николай Поповка, Хомустаах бөһүөлэгин баһылыгар Василий Поповка, буулдьалаах саанан ытыы Федерациятын салайааччытыгар Геннадий Оллоновка, Уус Алданнааҕы байыаннай дьайыылар бэтэрээннэрин түмсүүтүн бэрэссэдээтэлигэр Андрей Карповка барҕа махталбын биллэрэбин.
Гаврил Попов кэргэнэ Айна Васильевна, оҕолоро