Бүгүн Аҕа дойду Улуу сэриитин кыттыылааҕа, Россия Геройа Стрекаловскай Михаил Михайлович төрөөбүтэ 111 сылынан Мүрү 1-гы N-дээх орто оскуолатын 10 «а» кылааһын үөрэнээччилэрэ (кылаас салайааччыта Л.В. Бурцева) Геройдар Аллеяларыгар баар М.М. Стрекаловскай памятнигын таһыгар кылгас миитин-уруокка кытыннылар.

Оскуола музейын үлэһитэ Елена Сыроватская оҕолорго бүгүҥҥү күн суолтатын кэпсээтэ. Үөрэнээччилэр ааттарыттан Уолан Протодьяконов тыл эттэ. Оҕолор памятникка махтал бэлиэтин сибэкки уурдулар.

Салгыы улуустааҕы музейга тиийэн Герой Стрекаловскай М.М. туһунан улуустааҕы музей экскурсовода Александр Сивцев оҥорбут бэсиэдэтин иһиттилэр, Герой олоҕун кэпсиир хроникальнай киинэни көрдүлэр. Музейнай уруоктан оҕолор Герой Михаил Стрекаловскай туһунан билиилэрин хаҥатан тарҕастылар.

Герой аата умнуллубат.