Тохсунньу 29-30 күннэригэр Мындааба оскуолатын спортсаалатыгар 2007 сылтан аллараа төрүөх оҕолорго баскетболга улууска бастыыр иһин күрэхтэһии буолан ааста. Барыта уолаттарга 16 хамаанда (128 оҕо), кыргыттарга 12 хамаанда (96 оҕо) кэлэн кыттыыны ыллылар.
Уолаттарга: I миэстэ – Найахы оскуолата, II миэстэ – Мүрү 2 оскуолата, III миэстэ – Мүрү 1 оскуолата. Кыргыттарга: I миэстэ – Чэриктэй оскуолата, II миэстэ – Бэйдиҥэ оскуолата, III миэстэ – Уһун Күөл оскуолата.
Уолаттарга «Бастыҥ оонньооччу» ааты – Андросов Эдуард (Найахы), «Бастыҥ кимээччи» – Захаров Данил (Мүрү 1№-дээх ОО), «Бастыҥ көмүскээччи» – Чачуа Максим (Мүрү 2№-дээх ОО), кыргыттарга «Бастыҥ оонньооччу» – Янобердинова Александра (Бэйдиҥэ), «Бастыҥ кимээччи» – Федорова Дарина (Чэриктэй), «Бастыҥ көмүскээччи» ааты Домотова Рената (Уһун Күөл) ыллылар.
Күрэхтэһии ыытыллыытыгар үөрэх управлениетын иитэр үлэҕэ отделын исписэлииһэ Василий Макаровка күүс-көмө буолбутугар уонна бириис туруорбут дьоммутугар Уус Алдан баскетболга федерациятын салайааччытыгар Бурцев Иван Гаврильевичка, Дрищева Елена Леонидовнаҕа, Сысолятин Захар Ивановичка махталбытын биллэрэбит.
Марина Пухова, баскетбол тренерэ