«Өркөн» оҕону эбии үөрэхтээһин киинигэр киберспорт «COUNTER STRIKE –2” оонньуутугар аһаҕас lan-турнир буолан ааста. Турнир Украинаҕа буола турар анал байыаннай дьайыы кыттыылааҕа, «Эр санаа» уордьан кавалера Дьулустаан Александрович Старостин сырдык кэриэһигэр ананна.
Бу күрэххэ биэстии киһилээх 12 хамаанда күөн көрүстүлэр. Ол иһигэр Горнай улууһун сүүмэрдэммит хамаандата кэлэн кыттыыны ылла. Уонна Дьокуускай куоракка ХИФУ-га устудьуоннуу сылдьар Мүрүтээҕи уолаттар гимназияларын выпускниктара кытыннылар.
Турнир үөрүүлээх арыллыытыгар кыайыы туһугар олоҕун толук уурбут Дьулустаан Старостин хорсун быһыытыгар сүгүрүйэн «Эр санаа» уордьаны убайыгар Айсиэн Старостиҥҥа улуус депутаттарын мунньаҕын бэрэссэдээтэлэ Иннокентий Аммосов туттарда.
Турнир бирииһин Дьулустаан аймахтара, бииргэ үөрэммит оҕолоро, доҕотторо, ийэтэ З.И. Старостина бииргэ үөрэммит кылааһа, Өлтөх нэһилиэгин дьаһалтата, А.Н. Жирков аатынан Бэйдиҥэ орто оскуолата, култуура, спорт салалтара олохтоотулар.
Турнир икки кун устата ыытылынна. Күрэх түмүгэ бу курдук буолла:
I миэстэ – «ITB Quest» (Горнай). Бириис – 50 000 солкуобай. Бирииһи Дьулустаан аймахтара туруордулар.
II миэстэ – «MYRY». Бириис – 30 000 солкуобай. Бирииһи Дьулустаан Мүрү 2 №-дээх орто оскуолатыгар бииргэ үөрэммит доҕотторо (2014 с. выпуск). анаатылар.
III миэстэ – «Nahaa Ji». Бирииһи – 20 000 солкуобайы Өлтөх нэһилиэгин дьаһалтата туруорда.
Полуфиналга тахсыбыт хамаандалар бастыҥ оонньооччуларынан буоллулар:
«dis5» хамаандаттан Максим Пестеров, «ITB Quest» –Уйусхан Марков (Lenn) , «Generation of Miracles» –Артур Местников (MiffiK), «KULT» – Саша Назаров (werb), «MYRY» – Дима Копырин, «Бэйдиҥэ» –Иван Говоров (uweeeeewu osas), » Наһаа Ji» –Василий Бурцев (SYRGEL), «dumbas Star» –Данил Захаров (mONTest).
Турнир уопсай түмүгүнэн анал ааттар хаһаайыттара:
«Лучший игрок турнира» – Уйусхан Марков (Lenn)
«Лучший урон в турнире» – Ньургун Лугинов (piratee)
«Молодой игрок» – Тигран Обойюков
«Лучший снайпер турнира» – Захар Ильин (toxic)
«Охотник за головами» – Уйгун Баишев (MatSeruna)
«Лучший clutch» –Дьулустан Пестряков (forward17)
«Воля к победе» – «Бэйдиҥэ» хамаанда. Дьулустаан ийэтин бииргэ үөрэммит доҕотторун анал бирииһинэн наҕараадаланнылар. (Бэйдиҥэ орто оскуолатын 1985 с. выпускниктара).
Бу курдук анал байыаннай дьайыыга дойдутун туһугар олохтон туораабыт Дьулустаан Старостин аатын үйэтитэр турнир улууспутугар киберспорт көрүҥэ сайдарыгар төһүү күүс буолан, хас сылын ахсын ыытыллара былааннанар.
“Өркөн” пресс-киин