Дьоммор-сэргэбэр махтанабын

Биһиги дьиэ кэргэммитигэр сүрдээх долгутуулаах, үөрүүлээх күн буолан ааста. Кэргэмминээн Гаврил Ивановичтыын бииргэ олорбуппут 50 сылбытын бэлиэтээн нэһилиэгим дьаһалтата уонна үтүө санаалаах Дүпсүн бэтэрээннэрэ Сааһырбыттар декадаларын чэрчитинэн сынньалаҥ кииҥҥэ дьоро күнү тэрийэн бэлэхтээтилэр.

Дүпсүн бэтэрээннэрэ үтүө санааларын этэн, музыкальный эҕэрдэлээх чиэстээн, уруйдаан-айхаллаан, ыллаан-туойан эҕэрдэлээтилэр. Бэтэрээннэр бэрэссэдээтэллэригэр Ульяна Босикова, оскуола коллективыгар, култуура үлэһиттэригэр, аҕам саастаах табаарыспытыгар кэхтибэт чуор куоластаах Вячаслав Гоголевка, ытык бэтэрээннэр Татьяна Сивцеваҕа, Мария Соловьеваҕа эҕэрдэ тылларыгар, дьүөгэлэрим Светлана, Розалия дьиэ кэргэттэригэр, балтыбытыгар Степанида Ховроваҕа уонна бары эҕэрдэлээбит бэтэрээннэргэ махталбыт улахан, нэһилиэгим баһылыгар Николай Сивцевкэ, солбуйааччыта Иван Федоровка, сүрдээх эмис куһунан күндүлээбит уолаттарбар уонна минньигэстик астаабыт Елизавета Алексееваҕа истиҥник махтанабын. Бары бу курдук түмсүүлээх, эйэлээх буолуоххайын, чэгиэн-чэбдик сылдьыаххайыҥ.

Варвара Прибылых. Дүпсүн