Аҕа дойдуну көмүскээччилэр күннэрин көрсө дойдубут туһугар сырдык тыыннарын толук уурбут хорсун-хоодуот биир дойдулаахтарбытын кэриэстээн, кинилэргэ сүгүрүйэн, СВО кыттыылаахтарыгар анаммыт сквергэ «Эр санаa» уордьан кaвалера, Украинаҕа анал байыаннай дьайыыга олоҕун толук уурбут Василий Данилов пааматынньыгар өйдөбүнньүк венок ууруутун миитинэ ыытылынна.
Ытык дьоммут ааттарыгар сүгүрүйэр бэлиэ түгэҥҥэ улуус баһылыга Василий Аммосов, улуус бэтэрээннэрин сэбиэтин бэрэссэдээтэлэ Олег Федоров, Мүрү нэһилиэгин баһылыга Прокопий Румянцев уолаттарбыт сырдык ааттара ааттанарыгар анаммыт сквер биир кэрэ-бэлиэ сирбит буолан, үйэлэргэ махталлаах буолуохтапхпытын, итиэннэ бу сквер өссө салгыы тутуллан киэркэйэрин эттилэр. Кэлэн иһэр Аҕа дойдуну көмүскээччилэр күннэринэн эҕэрдэлэрин тиэртилэр.
Миитиҥҥэ Афганистан, Чечня сэриитин, Украинаҕа ыытылла турар анал байыаннай дьайыы бэтэрээннэрэ кытыннылар, кинилэр түмсүүлэрин салайааччыта Андрей Карпов махтал тылын, эҕэрдэтин эттэ.
Ольга Шепелева