Маяктааҕы 567 нүөмэрдээх быыбардыыр учаастакка бүгүҥҥү туругунан кыаммат, кырдьаҕас, инбэлиит олохтоохтортон уопсайа 37 сайаапка киирбит.
Күн бастакы аҥаарыгар 12 быыбардааччы бэйэлэрин бырааптарын туһанан олоҕу тупсарыа, сайыннарыа диэбит партияларыгар, кандидаттарыгар дьиэлэригэр олорон куоластарын биэрдилэр. Ол курдук тыыл, үлэ бэтэрээнэ Елена Гоголева, үлэ бэтэрээннэрэ, инбэлиит Люция, Василий Копыриннар, Марианна, Петр Пермяковтар, үлэ бэтэрээнэ Варвара Орлова, инбэлиит Наталья Бурцева, Федот Герасимов, кыра оҕолоох Саргылана Максимова, о.д.а. куоластаатылар.
Дьааһыгынан быыбарга өр сылларга быыбар хамыыһыйатыгар үлэлии сылдьар Ирина Басыгысова, Парасковья Татаринова, кэтээн көрөөччү Октябрина Васильева кытыннылар.
Светлана Сивцева