Улууспут биир бастыҥ ууһа Геннадий Оллонов үлэтэ – дьөһөгөй оҕото – үрүҥ ат Үөһээ Дьааҥы улууһун Сартаҥ нэһилиэгин киэргэттэ.
Геннадий Николаевичка ыраах улуустан сакаас киирэн, Үөһээ Дьааҥы улууһугар тиийэн 2,5 миэтэрэ үрдүктээх, 3 миэтэрэ уһуннаах аты икки нэдиэлэ иһигэр бетонтан чочуйан таһаарда. Ат саҥа оҥоһуллубут Сылгыһыттар искибиэрдэригэр миэстэтин булан, хайы-үйэ дьон-сэргэ үөрэ, сөҕө-махтайа көрөр үйэлээх пааматынньыга буолан турда.
Билигин Геннадий Николаевич аны Бороҕоҥҥо туруохтаах бастакы фельдшер бюһун оҥорор түбүгэр сылдьар.
Мария Аргунова