Быйыл күһүн балаҕан ыйын 8 күнүгэр Уус Алдан улууһун депутаттарын VIII ыҥырыылаах Сэбиэтигэр 4-с уокуруктан депутаты талыыга, Мүрү нэһилиэгин депутаттарын V ыҥырыылаах Сэбиэтигэр үс уокуруктан уонна 2-с Лөгөй нэһилиэгин депутаттарын сэбиэтигэр депутаттары талыыга эбии быыбардар буолуохтара.
Улуус сэбиэтигэр быыбарга кыттарга “Биир ньыгыл Россия” политическай партияттан 1 киһи, бэйэ туруорунуутунан 1 киһи баҕаларын биллэрдилэр, Мүрү нэһилиэгин депутаттарын сэбиэтигэр 11-с уокурукка 3 киһи (“Биир ньыгыл Россия” политическай партияттан, РФКП-тан уонна бэйэ туруорунуута), 12-с уокурукка эмиэ 3 киһи (“Биир ньыгыл Россия” политическай партияттан, РФКП-тан уонна бэйэ туруорунуута), 14-с уокурукка 2 киһи (“Биир ньыгыл Россия” политическай партияттан уонна бэйэ туруорунуута), 2-с Лөгөй нэһилиэгин депутаттарын сэбиэтигэр 2 киһи (“Биир ньыгыл Россия” политическай партияттан уонна бэйэ туруорунуута) докумуоннарын туттаран, 7 кандидат регистрацияны аастылар, сорохтор туттарбыт докумуоннара бэрэбиэркэлэнэллэр.
