Бүгүн тэрилтэлэр идэлээх сойуустарын кэмитиэттэрин бэрэссэдээтэллэрин мунньаҕар Саха Өрөспүүбүлүкэтигэр Үлэ сылынан уонна Арассыыйаҕа Ийэ күнүн көрсө «Үлэһиттэр династиялара» күрэс балаһыанньатын көрдүлэр.
Бу куонкуруһу Уус Алдан улууһун дьаһалтата, дьиэ кэргэни кытта үлэҕэ салаа уонна дьахталлар улуустааҕы сэбиэттэрэ тэрийэн ыытыахтара. Ол курдук араас үлэ эйгэлэрэ бэйэлэрин истэригэр аччаабыта үс көлүөнэ үлэһиттэрин ортолоругар сэтинньи 15 күнүгэр диэри күрэс ыытыахтара. Династия ийэттэн саҕаламмыт буолуохтаах. Ол түмүгүн сэтинньи 22 күнүгэр улуус таһымыгар биллэрэн чиэстиэхтэрэ.
Мария Аргунова