Бүгүн улууспут үөрэхтээһинин үлэһиттэрин «Уус Алдан улууһугар үөрэхтээһин биир кэлим систиэмэтин сайыннарыы» олунньу ыйынааҕы сүбэ мунньахтара Мүрү 2-с №-дээх орто оскуолатыгар саҕаланна.
Манна үөрэхтээһини сайыннарыы аныгы хайысхаларын, улууска үөрэх хаачыстыбатын үрдэтии ньыматын, иитии үлэтигэр тоҕоостоох боппуруостары, патриотическай иитиигэ туһуламмыт бырайыактары оҥоруу тула семинар буолла.
Итиэннэ төрөппүттэри кытта оҕону иитиигэ бииргэ үлэлэһии тула уопсай мунньах ыытыллыаҕа. Оттон эбиэттэн киэһэ мунньах иккис чааһа үөрэтии, иитии методикатыгар ананыаҕа. Манна биридимиэттэринэн арахсан аһаҕас уруоктар, практическай семинардар, маастар кылаастар ыытыллыахтара. Ону тэҥэ, оҕо саадын үлэһиттэригэр анаан Мүрүтээҕи «Кэскил» оҕо тэрилтэтигэр билиҥҥи кэмҥэ үөрэхтээһин эйгэтигэр оҕо дьоҕурун сайыннарыыга туһуламмын конференция ыытыллар.
Оттон сарсын, «Өркөн» оҕону эбии үөрэхтээһин киинигэр үөрэх салалатын отчуота, «Улуус үөрэхтээһин систиэмэтин сайдыытыгар социальнай алтыһыы оруола» тиэмэҕэ кэпсэтии уонна улуус үөрэхтээһинин эйгэтигэр Үөрэх хаачыстыбатын үрдэтии сылын үөрүүлээх арыллыыта буолуоҕа.
Мария Аргунова