Ахсынньыга Мүрү 1-гы №-дээх орто оскуолатын үлэһиттэрэ сылаас таҥаһы хомуйан уонна үөрэнээччилэр анал байыаннай дьайыыга сылдьар саллааттарга Саҥа дьыллааҕы открыткалары оҥорон улуустааҕы штабка туттарбыттара.
Онуоха «Якутия с тобой!» штабтан социальнай ситим нөҥүө оскуолаҕа аадырыстанан махтал сурук кэллэ.
«Быйылгы сылга сэрии өйдөһүүнэн, биир санааҕа кэлиинэн түмүктэниэн бары баҕарабыт. Биһиги эһигини кытта. Бүгүн, ахсынньы 28 күнүгэр, «Якутия с тобой!»анал байыаннай дьайыыга сылдьар уолаттарга көмө штабыгар «Теплая зима»акция чэрчитинэн Уус Алдан улууһун Мүрү 1-гы №-дээх орто оскуолатын коллектива сылаас таҥастары уонна Мүрү 1-гы , Лөгөй орто оскуолаларын үөрэнээччилэрэ бэйэлэрин илиилэринэн оҥорбут открыткаларын, суруйбут суруктарын аҕалан туттардылар.
Эһиги ыыппыт сылаас таҥастаргыт оҕолорбутун харыстаатыннар, суруйбут суруктаргыт, оҥорбут открыткаларгыт санааларын көтөхтүннэр күүстэригэр күүс эптиннэр. Үтүө дьыалаҕыт 100 төгүл эргийдин.
«Якутия с тобой!» СО председателэ Анна Николаевна«.
Елена Сыроватская, уопсас. кэрэсп.