Бүгүн улууска успуорт көрүҥнэригэр федерация бэрэсэдээтэллэрин талыы мунньаҕа буолла. Мунньаҕы улуус баһылыгын солбуйааччы Анатолий Сторожев иилээн-саҕалаан ыытта.
Ол курдук, тустууга улуус дьаһалтатын баһылыга Василий Аммосов, мас тардыһыытыгар улуус баһылыгын солбуйааччы Иннокентий Троев, остуол тенниһигэр – Анатолий Сторожев, волейболга – улуустааҕы үөрэх салалтатын начаалынньыга Степан Литвинцев, чэпчэки атлетикаҕа – култуура салалтатын начаалынньыга Сергей Нафанаилов, спортивнай ытыыга – Геннадий Оллонов, гиирэ успуордугар, ыстаныыга – оҕо спортивнай оскуолатын дириэктэрэ Дмитрий Готовцев, дуобакка – Мүрү 2-с №-дээх оскуолатын дириэктэрэ Сергей Фомин, хайыһарга – реаблитационнай киин дириэктэрэ Иннокентий Сергеев (С.М. Литвинцев көмөлөһөөччү), оҕунан ытыыга – Ольга Попова, хоккейга урбаанньыт Петр Степанов, ат сүүрдүүтүгэр – Петр Бечеканов, баскетболга – Николай, Иван Бурцевтар, шахматка «Өркөн» оҕону эбии үөрэхтээһин киинин дириэктэрэ Яков Колодезников ананнылар. Хаалбыт алта көрүҥҥэ, билиҥҥи туругунан, аһаҕас хаалла. Мунньах түмүгэр федерациялар үлэлэрин тутулун торумнуулларыгар сорудах бэрилиннэ.
Мария Аргунова