От ыйын 24 күнүгэр улуус баһылыга Василий Аммосов Түүлээх нэһилиэгэр үлэлээтэ.
Баһылык нэһилиэнньэ активын кытта көрүстэ, санааларын иһиттэ. Олохтоохтор сүрүн туруорсар боппуруостара – бөһүөлэги 100% ититиинэн хааччыйыы.
Санатар буоллахха, Кылаайыны ититиинэн хааччыйыыга бырайыагын оҥотторорго улуус бюджетыттан 2 мөл. солк. көрүллэн, билигин бырайыактыыр үлэтэ ыытылла турар. Бары билэрбит курдук, ханнык баҕарар улахан тутуу бырайыак үлэтиттэн саҕаланар. Онон улуус өттүттэн өйөбүл оҥоһуллан, үлэ саҕаланна.
Салгыы Василий Иванович социальнай эбийиэк дьиэлэрин, хочуолунай тутуллар миэстэтин көрдө, уопсай үлэни-хамнаһы билистэ.
Уус Алдан улууһун дьаһалтатын пресс-сулууспата