Түүлээх орто оскуолатыгар быйыл сайын оскуола кырыыһатын саҥардыыга улахан үлэ ыытыллан, биир сүрүн кыһалҕалара быһаарыллыбыт. Онон оскуола коллектива үөрүүтүн үллэстэр:
– Оскуола кырыыһата тэстэр буолан, сааскы, күһүҥҥү ардахха бэрт эрэйи көрөрбүт. Ордук спортивнай саала өттө күүскэ тэстэн кэнникинэн олох да буорайбыта. Сыллата күүстээх туруорсуунан үп-харчы көрүллэн, быйыл сайын сөптөөх өрөмүөн кэмигэр ыытылынна.
Бу өрөмүөн үлэтин өйөөбүт дьоммутугар – улуус баһылыгар Василий Аммосовка, үөрэх улуустааҕы управлениетын начальнигар Степан Литвинцевка, депутаппытыгар Андрей Стрекаловскайга, экономика управлениетын салайаачытыгар Павел Семеновка, бэдэрээччит Владимир Копыриҥҥа уонна кини үлэһиттэригэр, сайын суол-иис мөлтөх кэмигэр итэҕэс матырыйааллары буор-босхо тиэйэн аҕалбыт күтүөт уолбутугар Василий Лыткиҥҥа оскуола коллективын аатыттан махталбытын тиэрдэбит. Өрөмүөннэнэн саҥалыы тыыннаммыт оскуолабытыгар үөрэнээччилэрбитин үөрэ-көтө көрсүөхпүт.