П.В. Аммосов аатынан Тулуна орто оскуолатыгар төрөөбүт тылбыт уонна сурук-бичик нэдиэлэтэ буолан ааста. Нэдиэлэни саха тылын, литературатын учууталлара Е.И. Атласова, В.С. Бурнашова тэрийэн ыыттылар. Нэдиэлэ бастакы тэрээһининэн «Өбүгэ оонньуулара» күрэх 3 бөлөҕүнэн олус тыҥааһыннаахтык барда.
Бу өбүгэ оонньууларын көрүҥнэрин оскуолабытыгар физкультура учуутала Р.Н. Троева саҕалаабыта. Ол кэмнэргэ элбэх оҕо дьарыктанан араас курэхтэһиилэргэ бириистээх миэстэлэртэн түспэттэр этэ. Ол курдук күрэхпитигэр кыра бөлөххө 1 миэстэни 3 кылаас (сал. Т.И. Дегтярева), 2 миэстэни 2 кылаас (сал. Л.И. Жиркова), 3 миэстэни 1 кылаас (сал. И.Ф. Охлопкова) ыллылар. Орто бөлөххө 1 миэстэни 7 кылаас (сал. М.К. Барашкова), 2 миэстэни 6 кылаас (сал. Р.Р. Куприянова), 3 миэстэни 4-5 кылаастар (сал. Е.Н. Дегтярева, Л.С. Сергеева) буоллулар. Улахан бөлөххө 1 миэстэни 8 кылаастар (сал. М.М. Аммосова), 2 миэстэни 9 кылаастар (сал. Е.И. Атласова), 3 миэстэни 11 кылаастар (сал. Ю.З. Турантаева) ылары ситистилэр. Ордук үчүгэй көрдөрүүлэри «Ойбонтон уулааһын» көрүҥҥэ Савелий Троев (2 кыл), Эля Троева (6 кыл), «Кириэс тэбии» көрүҥҥэ Арсентий Ягловскай (2кыл), Айдамир Иванов (7кыл), Кэскил Атласов (8кыл), «Көтөх ынаҕы туруоруу» көрүҥҥэ Васильев Харысхан ( 3кыл), Тимур Тарабукин (2кыл), «Бэһирик сүүрдүү» көрүҥҥэ Ярослав Васильев (9кыл) үөрэнээччилэрэ көрдөрдүлэр.
«Төрөөбүт тылым дуорайдын» дьиэ кэргэнинэн кэтэхтэн хоһоон ааҕыытын куонкурсугар уопсайа 8 дьиэ кэргэн кытынна. «Кылаан Чыпчаал аат» Васильевтар (2 кылаас), «Добун сурук» 1 миэстэлээҕэ Шепелевтар дьиэ кэргэн (1,3 кылаас), «Добун сурук» 2 миэстэлээҕэ Бурнашевтар дьиэ кэргэн (6 кылаас), «Добун сурук» 3 миэстэлээҕэ Бурнашевтар (8 кылаас) буоллулар.
Оҕолорго хоһоон айыытын күрэҕэр кыра бөлөххө 1 миэстэ Саяна Шелковникова (3 кыл), 2 миэстэ Артур Ягловскай (2 кыл), 3 миэстэ Эдгар Троев (3 кыл), орто бөлөххө 1 миэстэ Сахалина Троева (5 кыл), 2 миэстэ Каролина Габышева (6 кыл), 3 миэстэ Илона Неустроева (5 кыл), улахан бөлөххө 1 миэстэ Камилла Габышева (9 кыл), 2 миэстэ Диана Шелковникова (9 кыл) буоллулар.
«Хоһоон суһума» учуутал үөрэнээччи буолан талбыт хоһооннорун дорҕоонноохтук ааҕыы куонкуруһа ыытылынна.
Бу күрэххэ «Чыпчаал аат» кыайыылаахтарынан Т.И.Дегтярева үөрэнээччитинээн Айаал Васильевтыын буоллулар, «Добун сурук» 1 миэстэҕэ И.Ф. Охлопкова үөрэнээччитинээн Арсентий Ивановтуун, таҕыстылар, «Добун сурук» 2 миэстэ Л.С. Сергеева кыыһынаан Галя Сергеевалыын буоллулар,»Добун сурук» 3 миэстэҕэ Е.Н. Дегтярева үөрэнээччитэ Арина Ивановалыын таҕыстылар.
Бары кыттыбыттар туоһу суругу, кыайыылаахтар өйдөбүнньүк бэлэхтэри туттулар. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турдун!
Елена Атласова.