Дьокуускайга буолан ааспыт “Ас-үөл” республикатааҕы агропромышленнай быыстапка-дьаарбаҥкаҕа Уус Алдан улууһун тыа хаһаайыстыбатын бородууксуйатын оҥорон таһаарар, батарар “Томтор” кооператив ынах этиттэн тиэптэлэ 2-с степеннээх дипломунан, оттон ынах иһиттэн оҥоһуллар “Мүрүчээнэ” пельменэ “Эттэн оҥорон таһаарыы линейкатыгар саҥа бородуукта” анал аатынан бэлиэтэннилэр.
“Томтор” кооператив полуфабрикаттары быйыл муус устартан саҕалаан оҥорор, ол кэмтэн “Мүрүчээнэ” пельмен 150 киилэ оҥоһуллубут.
Бородууксуйалара Бороҕоҥҥо “Туйгун+” атыы-эргиэн киинигэр “Мүрү-Ас” маҕаһыыныгар атыыланар уонна нэһилиэктэр, Дьокуускай куорат маҕаһыыннарын кытта сайаапканан үлэлииллэр.