Бүгүн Бэрт Ууһун модельнай библиотекатыгар Дьиэ кэргэн аан дойдутааҕы күнүгэр аналлаах алта түһүмэхтээх викторина ыытылынна. Барыта тоҕус дьиэ кэргэн (оҕо ийэтинээн) кытынна.
Дамир, Дария Ивановтар, Василина, Наталья Антоновалар, Иван, Людмила Колодезниковтар, Эвелина, Надежда Ховровалар, Дайаана, Ольга Местниковалар, Сандаара, Александра Даниловалар, Сардаана, Харитона Олесовалар, Тускулаана, Ньургуйаана Копыриналар, Аида, Любовь Гороховалар кыттан уопсай түмүгүнэн «Кинигэ – дьиэ кэргэн доҕоро» викторина кыйыылаахтарынан Александра Данилова кыыһынаан Сандааралыын (6 кыл.) буоллулар, өссө кинилэр «Саамай элбэх кинигэлээх дьиэ кэргэн» анал ааты ыллылар, «Сахалыы элбэх кинигэлээх дьиэ кэргэн» анал аакка Ольга Местникова кыыһынаан Дайааналыын (5 кыл.) тигистилэр, «Оҕоҕо аналлаах элбэх кинигэлээх дьиэ кэргэн» анал аакка Ньургуйаана Копырина кыыһынаан Тускулааналыын (9 кыл.) тигистилэр.
Викторинаны сыаналаабыт «Эйэҕэс эбэлэр» түмсүүттэн салайааччы А.Л. Неустроеваҕа, Г.Д. Портнягинаҕа, М.Е. Ивановаҕа уонна оскуола библиотекарыгар М.С. Ивановаҕа, бары кыттыбыт ийэлэргэ, кыргыттарга махталбын тиэрдэбин.
Пелагея Парникова, Бэрт Ууһун бибилэтиэкэтин сэбиэдиссэйэ