Улуус бааһыналарыгар сиик саптарыыта түмүктэнэн, бастакы туораахтар нүөл сири буллулар. Ол курдук бурдугунан дьарыктанар сүрүн хаһаайыстыбалаах баатаҕайдар ыам ыйын 21, дүпсүннэр ыам ыйын 22 күннэригэр ыһыыны саҕалаатылар. Сииги саптарыы үлэлэрэ ыам ыйын 15-19 күннэригэр ытылыннылар.
– Элэһин олохтооҕо Михаил Алексеев сылын аайы ыһыытын эрдэ түмүктээччи. Быйыл 15 гааҕа сүөһү аһылыгар анаан ыһыытын хайыы үйэ бүтэрэн бааһынатын бүтэйин сапта.
Бэҕэһээҥҥи туругунан, улуус үрдүнэн 149,32 гааҕа ыһыы ыытылынна. Ол курдук “Биэттэ-Агро” ХЭТ 103,76 гааҕа эбиэһи ыста. Мантан 18,97 гааҕа “Виленская” супер элита уонна 84,79 гааҕа элита кылаастаах суортара ыһылыннылар. Оттон Дмитрий Илларионов 45,56 гааҕа элита кылаастаах эбиэһи ыста. Аны бу күннэргэ “Саһылыкаан” ТХПК ыһыы үлэтин саҕалыаҕа.
Намҥа улахан халаан уутуттан Хатырык бааһынай хаһаайыстыбата ҕ тн ыһыыга анаан атыыласпыт сиэмэтин былдьатта. Онон биһиги улууспут бурдук үүннэрээччилэрэ ыалларбыт ол ороскуоттарын толуналларыгар 5 т эбиэс сиэмэтин көмө быһыытынан биэрэргэ сүбэлэстилэр. Икки хаһаайыстыба 2,5 тн биэриэхтэрэ. Тиэйиитин боппуруостарыгар тыа хаһаайыстыбатын министиэристибэтин кытары үлэлэһэ олоробут, – диэн улуус кылаабынай агронома Прокопий Белолюбскай иһитиннэрдэ.
Афанасий Сектяев