Окоемовка бөһүөлэгэр бэҕэһээ оскуола оҕолоруттан саҕалаан эдэрдиин-эмэнниин бары түмсэн бөһүөлэги ырааһырдыыга субуотунньуктаатылар.
Трактористар Юрий Протопопопов, Степан, Юрий Аммосовтар бөҕү, туһата суох мастары свалкаҕа тохтоло суох илдьэн сүөкээтилэр. Күргүөмнээх үлэни тэрийбит бөһүөлэк баһылыга Николай Бурнашев дьонун түмэн үлэни түргэнник бүтэрдилэр, бөһүөлэктэрин таһын, иһин ыраастаан кэбистилэр.
Оттон ыччат дьон Николай Аммосов салалтатынан ыһыахха бэлэмнэнэн мас хайыттардылар. Үлэҕэ, спорка, тэрээһиннэргэ куруук көхтөөх бөһүөлэк олохтоохторо самаан сайыннарын ыраастык көрүстүлэр, аны аҕыйах хонугунан арыы сыаҕын үлэлэтиэхтэрэ, үрүлүйэр үрүҥ ас элбиэҕэ.
Мария Аммосова, уопсас. кэрэсп.