Бүгүн Уус Алданнааҕы оҕолорго аналлаах социальнай-реабилитационнай кииҥҥэ «Оҕолор – олох сибэккилэрэ» Оҕо көмүскэлин күнүгэр аналлаах аахсыйа-тэрээһин бэрт таһымнаахтык ааста.
Киин директора Иннокентий Сергеев хас биирдии оҕоҕо эҕэрдэ сурук уонна бэлэх туттартаата. Күндү ыалдьыттарбыт оҕолорбутугар уонна үлэлэһэр ыалларбытыгар араас бэлэхтэри туттаран оҕолору олус үөртүлэр, дьоллоотулар.
Аахсыйаҕа тэрилтэ сүрүн социальнай партнердара: улуус дьаһалтатын аатыттан дьиэ кэргэн уонна ыччат политикатын отделын салайааччыта Валентина Андросова, Мүрү нэһилиэгин дьаһалтатыттан сүрүн специалист Изабелла Борисова, Улуустааҕы дьахтар сэбиэтин салайааччыта Валентина Шадрина, опека уонна попечительство отделын начальнига Лена Слепцова, үөрэх управлениетын начальнигын солбуйааччы Тимофей Григорьев, Ис дьыала отделыттан участковай уполномоченнай уонна ПДН отделениятын начальнига полиция майора Юрий Афанасьев, ПДН инспектора Наталья Алексеевна Николаева, «Өркөн» эбии үөрэхтээһин киинин директорын солбуйааччы Екатерина Ушницкая, детскэй поликлиника отделениетыттан оҕо бырааһа Галина Саввинова, биир көхтөөх соцпартнербут Светлана Аржакова, сыл аайы туордунан күндүлүүр волонтердарбыт Екатерина Иванова, Варвара Саввина уонна бастакытын биһиэхэ кыттыыны ыла кэлбит блогер, урбаанньыт Сардаана Охлопкова кэлэн көхтөөх кыттыыны ыллылар.
Дьоро күн тэрээһинигэр ыҥырыыны ылынан кэлбит маанылаах ыалдьыттарбытыгар барҕа махтал буолуохтун.
Виктория КОНДРАТЬЕВА, социальнай педагог