Уус Алдан улууһун Бэйдиҥэтиттэн төрүттээх Николай Винокуров тхэквондо курдук спорт уустук уонна ураты көрүҥэр тренердиир. Кини бу көрүҥүнэн 2002 сыллаахтан дьарыктанан саҕалаабыт. Республикаҕа 2003-2007 сылларга призер, 2012 сыллаахха студеннар икки ардыларыгар Россия чемпионатыгар кыттыыны ылбыт.
Кини: “Яков Гаврильев уонна Ангел Эверстов диэн тренердэргэ 2002-2012 сс. дьарыктаммытым. Чурапчытааҕы спорт уонна физическай культура институтун бүтэрбитим. Идэм – тхэквондо тренерэ. 2016 сылтан Бэйдиҥэҕэ тренердээн саҕалаабытым уонна күн бүгүнүгэр диэри онно үлэлиибин. Уопсайа 20 оҕону дьарыктыыбын, оҕолорум бары призердар, олортон биирдэстэрэ Егор Жирков Дальнай Восток чемпиона, быйылгы “Азия оҕолорун” кыттыылааҕа. Алтынньыга Хабаровскайга күрэхтэһэ бараары бэлэмнэнэ сылдьабыт”, – диэн кэпсээтэ.
Вадим-Эрнест Сивцев.