Оҕону иитиигэ-үөрэтиигэ «Төрөппүт – оҕо – иитээччи» биир кэлим сүбэнэн үлэлээтэхтэринэ оҕо үүнэр-сайдар эйгэтин бириэмэтинэн көрөн, ситэрэн-хоторон биэрдэххэ, элбэх туһа тахсарын, ситиһиилэрин учуоттаан биһиги «Любознайки» улахан бөлөхпүт быйылгы үөрэх сылын тэрээһиннээхтик саҕалаата.
Ол курдук төрөппүттэрбит бэйэлэрэ баҕа санааларынан билиини-көрүүнү хаҥатар баай ис хоһоонноох кинигэлэри, оонньуурдары көмө тирэх буоллун диэн утары ууналлара үксээтэ.
Бу күннэргэ оҕолорбут Аня Егорова, Эрчим Аммосов, Володя Чердонов, Артур Захаров, Айхаан Ефимов, Авелия Максимова, Алина Бурцева, Анита Прибылых, Зиновий Степанов кинигэ кыбыныылаах, үөрэн-көтөн сэгэйэн «Бөлөхпөр бэлэҕим» диэн утары уунан киирдилэр.
Маны сэргэ хас сыл аайы ыытылларын курдук «Собери батарейки», «Добрые крышечки» республиканскай акцияҕа кыттан кыра-кыралаан мунньан аҕалан анал иһиттэргэ уган, айылҕаны харыстыырга бэйэлэрин кылааттарын киллэрэллэр. Саамай элбэх хаппаҕы Сайнаара Тогонохова 746 устууканы аҕалла.
«Собери батарейку» акцияҕа биһиги бөлөхпүт 8 кг 100 гр туттарда. Уопсай детсад үрдүнэн акцияҕа 49 кг 400 г батарейканы хомуйан улуустааҕы Айылҕа харыстабылын инспекциятыгар туттардыбыт.
Маннык кырачаан иитиллээччилэрбит үүнэллэр-сайдаллар, элбэҕи билэллэр-көрөллөр.
Валентина Местникова, Варвара Гоголева «Мүрүчээнэ» о/т иитээччилэрэ