Өрөспүүбүлүкэбитигэр үҥкүү искусствотын сайыннарар талааннаах коллективтар, салайааччылар икки ардыларыгар уопут атастаhар, үлэлэрин тарҕатар сыаллаах «Мүрү үҥкүүлүүр» өрөспүүбүлүкэтээҕи аһаҕас күрэс үһүс төгүлүн ыытылынна. Күрэспитигэр Кэбээйиттэн, Горнайтан, Намтан, Мэҥэ Хаҥаластан Чурапчыттан, Тааттаттан, Уус Алдантан, Дьокуускай куораттан, Табаҕаттан барыта 51 үҥкүү коллектива, 603 кыттааччы кэлэн күөн күрэстэстилэр.
Күрэспитин өрөспүүбүлүкэ биллэр-көстөр, ааттаах-суоллаах хореографтара дьүүллээтилэр: А. Макарова аатынан култуура уонна ускуустуба коллеhын үҥкүү салаатын салайааччыта, преподавателэ, СӨ култууратын үтүөлээх үлэһитэ Станислав Степанов дьүүллүүр сүбэҕэ үһүс сылын бэрэссэдээтэллээтэ, СӨ култууратын үтүөлээх үлэһитэ, Найахы нэһилиэгин, Уус Алдан улууһун бочуоттаах олохтооҕо, «Гражданскай килбиэн» бэлиэ хаһаайына, култуура үлэтин бэтэрээнэ Мария Сивцева, култуура уонна искусство Арктикатааҕы государственнай институтун доцена, СӨ култууратын уонна профессиональнай үөрэхтээһинин туйгуна, хореографтар аан дойдутааҕы союзтарын чилиэнэ Анастасия Сидорова, Уус Алдан улууһун хореографтарын түмсүүтүн бастакы бэрэссэдээтэлэ, СӨ култуураҕа туйгуна, Уус Алдан култууратын бэтэрээнэ Валентина Сивцева, «Айулна» этно-фольклорнай ансаамбыл салайааччыта, СӨ үҥкүү спордун федерациятын бальнай спортивнай үҥкүүгэ тренерэ Василий Старостин – Мөҥүн.
Түмүккэ оҕолорго Гран-при «Энергия» үҥкүү бөлөҕө буолла (сал. Туйаара Ларионова, Уус Алдан).
7-10 саастаахтарга: I ст. лауреат – «Көлүкэчээн» (Уус Алдан, сал. Алена Гаврильева), II ст. лауреат – «Оhуор» (Уус Алдан, сал. Ульяна Ноговицына), III ст. лауреат – «Алаас оҕолоро» (Уус Алдан, сал. Анатолий Ермолаев); I ст. дипломант – «Мечта» (Уус Алдан, Аида Назарова), II ст. дипломант – «Кундээр» (Уус Алдан, сал. Елена Иванова),
III ст. дипломант – «Алаас уолаттара» (Уус Алдан, сал. Мария Горохова).
11-13 саастаахтарга: I ст. лауреат – «Сандал» (Дьокуускай, сал. Сардаана Катакова), II ст. лауреат – «Энергия» (сал. Туйаара Ларионова), III ст. лауреат – «Кэнчээри» (Уус Алдан, сал. Ульяна Ноговицына), I ст. дипломант – «Кундээр» (Уус Алдан, сал. Елена Иванова), II ст. дипломант – «Дьиэрэҥкэй» (Чурапчы, сал. Аси-Куо Ашеина), III ст. дипломант – «Уйдара» (Мэҥэ Хаҥалас, сал. Татьяна Андросова).
13-14 саастаахтарга: I ст. лауреат – «Кыталык» (Мэҥэ-Хаҥалас, сал. Александра Соловьева), II ст. лауреат – «Рябинушка» (Табаҕа, Наталья Лебедкина), III ст. лауреат – «Сандал» (Дьокуускай, сал. Сардаана Катакова), I ст. дипломант – «Энергия» (Уус Алдан, сал. Туйаара Ларионова), II ст. дипломант – «Кэнчээри» (Уус Алдан, сал. Ульяна Ноговицына), III ст. дипломант – «Уоланнар» (Уус Алдан, сал. Платон Стрекаловскай).
Улахан дьоҥҥо Гран-При – «Саhарҕа» (Чурапчы, сал. Вера Попова, Алексей Аржаков).
18 — 35 саастаахтарга: I ст. лауреат – «Ньургуhун» (Нам, сал. Мария Попова, Павел Винокуров), II ст. лауреат – «Тойон Мүрү» (Уус Алдан, сал. Ольга Попова), III ст. лауреат – «Күндүйэ» (Уус Алдан, сал. Марияна Фомина).
36-50 саастаахтарга: I ст. лауреат – «Күнчээнэ» (Уус Алдан, сал. Анастасия Кириллова), II ст. лауреат – «Рассвет» (Дьокуускай, сал. Айталина Григорьева), III ст. лауреат – «Дьүөгэ» (Уус Алдан, сал. Ольга Петрова); I ст. дипломант – «Чэлгийээнэ» (Уус Алдан, сал. Алёна Гаврильева), II ст. дипломант – «Сэгэлдьийэ» (Горнай, сал. Любовь Кычкина), III ст. дипломант – «Кэнчээри» (Уус Алдан, сал. Капитолина Сыроватская).
51-тэн үөhээ саастаахтарга: I ст. лауреат – «Кыталыына» (Нам, сал. Павел Винокуров), II ст. лауреат – «Сардаҥа» (сал. Аси-Куо Ашеина, III ст. лауреат – «Күндүүнэ» (Уус Алдан, сал. Ольга Петрова); I ст. дипломант – «Дьол көлүччэтэ» (сал. Платон Стрекаловскай, II ст. дипломант – «Луҥха Долгуннара» (Кэбээйи, сал. Сардаана Полятинская), III ст. дипломант – «Чэлгийэ» (Мэҥэ Хаҥалас, сал. Екатерина Олесова), III ст. дипломант – «Чэмэлиинэ» (Нам, Лариса Баишева).
Күрэспитин ыытарга көмөлөспүт «Тойон Мүрү» култуура дыбарыаhын (сал. Алина Борисова), Бороҕоннооҕу оҕо ускуустуба оскуолатын (сал. Борис Заровняев) коллективтарыгар, Уус Алдан улууhун култуураҕа управлениетын начальнигар Сергей Нафанаиловка хореографтар ассоциацияларын аатыттан барҕа махталбытын тиэрдэбит.
Ульяна Ноговицына, Уус Алдан хореографтарын ассоциациятын бэрэссэдээтэлэ