Быыбар куоластарын ааҕыы түмүктэнэн, Уус Алданнааҕы ТИК бүтэһиктээх бигэргэммит дааннайынан, Мүрү нэһилиэгин баһылыгынан Прокопий Румянцев буолла.
Кини быыбарга кыттыбыт дьон куоластарын 62,87 %-нын, ол эбэтэр 2079 киһи куоластаабытыттан 1307-тин ылла. Оттон Семен Бочкарев иһин 735 киһи куоластаабыт, бу быыбарга кыттыбыт дьон куоластарыттан 35,35 %-на. Евгений Неустроев иһин 18 киһи куоластаабыт (0,87%). Оттон 19 бюллетень дьиҥэ суоҕунан ааҕыллыбыт.
Ыспыраапка:
Прокопий Федотович Румянцев 1993 сыллаахха от ыйын 7 күнүгэр төрөөбүт, кэргэннээх, үс оҕолоох.
Yөрэҕэ:
2011 сыллаахха В.В. Алексеев аатынан Мүрүтээҕи «Уолан» гимназияны бүтэрбит;
2011–2015 сс. М.К. Аммосов аатынан Хотугулуу-Илиҥҥи федеральнай университекка тутуу идэтин баһылаан бакалавр степенин ылбыт;
2015–2017 сс. М.К. Аммосов аатынан Хотугулуу-Илиҥҥи федеральнай университекка тутуу идэтин баһылаан магистр степенин ылбыт.
Yлэтэ:
2017–2019 сс. Мүрү нэһилиэгин дьаһалтатыгар ыччат политикатын уонна ДьУоКХ боппуруоһугар эппиэтинэстээх бастакы категориялаах специалиһынан үлэлээбитэ;
2019–2022 сс. Мүрү нэһилиэгин дьаһалтатыгар тутуу уонна ДьУоКХ боппуруоһугар эппиэтинэстээх сүрүн специалиһынан үлэлээбитэ;
2022–2023 сс. Мүрү нэһилиэгин дьаһалтатыгар баһылыгы солбуйааччынан үлэлээбитэ.