Мүрү нэһилиэгин дьаһалтата «Формирование современной городской среды» региональнай бырагыраама куонкуруһун ааһан, эһиил Бороҕоҥҥо култуура уонна сынньалаҥ пааркатын саҥардыыга 19 мөлүйүөн солкуобай суумалаах үлэ ыытыллар буолла.
«Бу бырайыак икки сыл устатыгар олоххо киирэрэ былааннанар. Эһиил бастакы түһүмэҕинэн пааркаҕа киирии өттө, сцена, трибуна уонна спортивнай былаһаакка оҥоһуллуохтара.
Онтон 2026 сылга диэри бырайыак толору олоххо киирэн, улууспут биир кэрэ миэстэтэ буолуоҕа», – диэн Мүрү нэһилиэгин дьаһалтатын баһылыга Прокопий Румянцев иһитиннэрдэ.
Санатар буоллахха, 1959 сылллаахха тутуллубут паарка 2015 сыллаахха сөргүтүллэн олохтоохтор биир саамай сэргээн сылдьар сирдэрэ буолбута, онтон аны аныгы кэмҥэ эппиэттиир, дьон-сэргэ сынньанар, спордунан дьарыктанар, тэрээһиннэри ыытар миэстэтэ буоларыгар улахан хардыы оҥоһулунна.
Мария Аргунова