Мүрү 1 нүөмэрдээх орто оскуолатын үлэһиттэрин идэлээх сойууһун кэмитиэтин бэрэссэдээтэлэ Люция Бурцева бу күннэргэ оскуола эр дьоно оскуола дириэктэрэ Игорь Сивцев салалтатынан муус бэлэмигэр күргүөмүнэн тахсан көхтөөхтүк үлэлээбиттэрин туһунан киэн тутта сэһэргээтэ:
– Педагог уонна настаабынньык сылынан оскуола эр дьоно 19 бэтэрээн учууталбытыгар, ону тэҥэ анал байыаннай эпэрээссийэҕэ сылдьар Мүрү нэһилиэгин олохтоохторо Анатолий Криговорницын, Дьулусхан Новоприезжай, Роман Ноговицын дьиэ кэргэттэригэр муус ылан биэрдилэр.
Ити курдук бары бүттүүн турунан үгүс ыалы быйылгы кыстыкка ыраас уунан хааччыйдылар, дьон махталын ыллылар.
Елена Сыроватская, уопсас. кэрэсп.