Мүрү 1-гы №-дээх орто оскуолатыгар Судаарыстыбаннас кунугэр аналлаах линейка ыытылынна. Линейка саҕаланыытыгар «Мүрү» БПК иитиллээччилэрэ Россия, Саха сирин, Уус Алдан былаахтарын өрө көтөҕөн киллэрдилэр. Онтон Өрөгөй ырыатын «Кэнчээри» оҕо ансаамбыла толордо.
Салгыы оскуола директорын иитэр үлэҕэ солбуйааччы М.П. Охлопков соторутааҕыта «Юнармия» күрэһигэр 2-с миэстэни ылан кэлбит Женя Бочкаревка, Мирослав Сидоровка, Саша Софроновка, Максим Потаповка уонна салайааччыларыгар Александр Николаевка оскуола салалтатын аатыттан махтал суруктары туттарда.
Эдэр учуутал, быйыл педагогическай үлэтин саҥа саҕалыыр Павел Попов Судаарыстыбаннас туһунан кылгастык билиһиннэрдэ.
Мариника Попова, Мүрү 1-гы №дээх орто оскуолатын эдкора