Бүгүн улууспутугар оскуола аайы, билиигэ-көрүүгэ угуйар бастакы чуораан лыҥкынас тыаһа чугдаарда. Мүрү нэһилиэгэр уопсайа 151 оҕо маҥнайгы кылааска үөрэнэ киирдэ, 11-с кылааска 116 оҕо таҕыста.
Гаврил Егоров аатынан Мүрү 1-гы №-дээх орто оскуолатыгар быйылгы үөрэх дьылыгар 734 үөрэнээччилээх саҕалаатылар.
Олор истэригэр 53 оҕо маҥнайгы кылааска үктэннэ. Кинилэр икки кылааһынан Елена Атласова уонна Дилия Ефремова учууталлардаах үөрэх-билии суолун сомсуохтара, оттон 40 оҕо икки кылааһынан үөрэнэн оскуоланы түмүктүөхтэрэ.
Мария Аргунова