Лөгөйдөөҕү лицей-интернакка кулун тутар 10 күнүгэр улуус оскуолаларын оҕолоругар хапсаҕайга Лөгөй бөҕөстөрүн бириистэригэр күрэхтэһии тэриллэр.
Бу туһунан нэһилиэк спортинструктора Петр Перевалов:
– Күрэхтэһиибит саастарынан түөрт категориянан барыта 12 ыйааһыҥҥа ыытыллар. Ол курдук 2014-2015 с.т. уолаттарга – 30, 40 киилэлэргэ, 2011-2013 с.т. уолаттарга – 35, 45, 60 киилэлэргэ, 2009-2010 с.т. – 35, 45, 60 киилэлэргэ уонна 2006-2008 с.т. уолаттарга – 50, 55, 60, 60-тан үөһээ ыйааһыннаахтарга. Балаһыанньа быһыытынан иккитэ хотторбуттар туораан иһиэхтэрэ.
Кыайыылаахтарга спонсордартан бэртээхэй бириистэр киирэ тураллар. Бэлиэтээн ааттаатахпына, Клим Сысолятин, Гаврил Карамзин, Иван Копырин-Уйбааҥка сыдьааннара, Лөгөй тустууга филиалын урукку иитиллээччилэрэ, тустууктара уонна оскуола, олохтоох дьаһалта спонсордаатылар.