Мүрүтээҕи «Сардаана» уһуйаан иитиллээччитэ Сайнаара Рожина үс ый анараа өттүгэр олордубут яблоко сиэмэтэ чэчирии үүннэ.
Кырачаан кыыс үүнээйитин кэтээн көрөөрү бэлиэтэммит күннүгүттэн көрөн бу курдук кэпсиир:
- 14.06.2023 с. Маҕаһыынтан ылан сиэбит яблокобыт сиэмэтин бастаан уулаах маарылаҕа силис тартара диэн уурбуппут. Үксэ быкпыттара;
- 18.06.2023 с. Кыра ыстакааннарга буорга көһөрбүппүт (маҕаһыыҥҥа универсальнай атыыланар буор);
- 24.06.2023 с. Иккис сэбирдэхтэрэ тахсыбыттара (подоконникка турбуттара);
- 24.07.2023 с. Улахан иһиккэ көһөрбүппүт. Аҥаара кумахтаах буорга. Уоҕурдуу игин кута иликпит. «Черенкование» диэни оҥоруохпун баҕара сылдьабын.
Ити курдук барыны интэриэһиргиир кырачаан Сайнаара яблоня үүнээйини олордуон баҕалаахтарга сүбэтин үллэһиннэ.
Мария Аргунова