«Признание» национальнай бириэмийэ «Учитель – защитник Отечества» номинациятыгар Н. Окоемов аатынан Курбуһах орто оскуолатын учуутала, СВО кыттыылааҕа Иван Петров лауреат буолла. Кини Россия араас регионнарыттан 29 бастыҥ ахсааныгар киирдэ.
«Мин физическэй культура уонна ОБЖ учууталынан Уус Алдан улууһун Н.Н. Окоемов аатынан Курбуһах орто оскуолатыгар үлэлиибин. Бүгүн манна кэллиэгэлэрбин кытта маннык улахан тэрээһиҥҥэ кытта сылдьарбыттан үөрэбин. «Защитники Отечества» фонда Саха сиринээҕи филиалыгар мин кандидатурабын туруорбуттарын иһин махталбын тиэрдэбин» – диэн СВО ветерана махталын тиэрдэр.
