«Куорсун-2023» кыайыылаахтара билиннилэр

Балаҕан ыйын 6-с күнүгэр В.А.Протодьяконов – Кулантай аатынан литературнай мусуойга үтүө үгэскэ кубулуйбут «Куорсун-2023» литературнай куонкурус кыайыылаахтарыгар уонна кыттааччыларыгар наҕараадалары, туоһу суруктары үөрүүлээх быһыыга-майгыга туттардылар.

Быйылгы куонкурус Арассыыйаҕа Учуутал уонна иитээччи, Саха сиригэр Үлэ, улууска Инфраструктура сайдыытын сылларыгар ананна. Барыта 10 нэһилиэктэн, Дьокуускай куораттан, Нам улууһуттан 40 киһи кытынна.

Хоһоон айыытыгар «Учуутал, эн ааккар сүгүрүйэн…» түһүмэххэ 1-кы миэстэ Ольга Татаринова, 2-с миэстэ Мария Петухова, 3-с миэстэ Анна Данилова-Сарыада буоллулар.

Хоһоон айыытын «Үлэ олоҕу хамсатар сүдү күүс» түһүмэҕэр кыайыылааҕынан Оксана Васильева-Алгыстаана (Нам), 2-с миэстэҕэ Александра Бережнева (Дьокуускай), 3-с миэстэҕэ Полина Находкина-Полина Победа таҕыстылар.

Кэпсээн айыытын түһүмэҕэр Анатолий Кириллин-Дьолу Куус 1-кы миэстэни, Варвара Гуляева 2-с миэстэни, Мария Винокурова-Уйгулаах 3-с миэстэҕэ таҕыстылар.

Тэрээһиҥҥэ С.А.Новгородов аатынан «Айар» кинигэ кыһатын салайааччылара Август Егоров, Валерий Луковцев уонна улуустааҕы култуура управлениетын начаалынньыга Иннокентий Аммосов кыайыылаахтары эҕэрдэлээн, айар-суруйар дьоҥҥо үтүө баҕа санааларын эттилэр.

Саҥа сүүрээнинэн оскуола үөрэнээччилэрэ 15 сааһыттан саҕалаан 84 сааһыгар диэри саастаах дьон кытынна.

Мария Аргунова