Лөгөй орто оскуолатыгар каникулярнай оскуола үлэтэ саҕаланна. Быйыл үһүс сылын тэриллэн үлэлиир «оскуолаҕа» 54 оҕо хабылынна.
“Каникулярнай оскуолаҕа” 9-с уонна 11-с кылаастар үөрэнээччилэрэ ОГЭ, ЕГЭ тургутууларын хаачыстыбалаахтык туттарарга бастыҥ учууталларга эбии үөрэхтээһини ааһаллар. Быйыл биология, химия, история, обществознание, информатика уонна литература курдук биридимиэттэргэ болҕомто уурулунна. Икки бастакы сезоҥҥа хабыллан дьарыктаммыт оҕолор эппиэттээх эксээмэннэри туттарыыларын көрдөрүүтүгэр тупсуу баара бэлиэтэнэр, онон бу бырайыак үлэтэ салгыы ыытылларыгар, улуус бары нэһилиэктэриттэн оҕолору хабыы үрдүүрүгэр эрэл баар.
Бэлиэтээн эттэххэ, “каникулярнай оскуола” үөрэнээччилэригэр итии аһылык тэриллэр, культурнай-маассабай тэрээһиннэр ыытыллаллар.
Үөрэх улуустааҕы управлениетын иһитиннэриитинэн