Уус Алданнааҕы социальнай-реабилитациялыыр кииҥҥэ быйыл сайын «Кустук» оҕо площадката үлэлээтэ, биһиги, 3-с сезон оҕолоро, бэҕэһээ баһаарынай чааска экскурсияҕа сырыттыбыт, онтон коллекционердары кытта интэриэһинэй көрсүһүү буолла.
Үлэһиттэр баһаары умуруоруу туһунан көрдөрө-көрдөрө кэпсээтилэр. Баһаарынай чааска үс массыына баар эбит. Турар сирдэрэ бокса диэн эбит. Массыына иһигэр киирэн көрдүбүт, үлэһиттэри кытта хаартыскҕа түстүбүт. Олус интэриэһинэй экскурсия буолла. Баһаарынайдар үлэлэрин туһунан элбэҕи биллибит.
Онтон киимиитигэр «Умсулҕан» түмсүү коллекционердара харчы мунньар Мария Михайловна Румянцева, остуоруйа, мультиктар геройдарын туһунан арааһы барытын мунньар Анна Михайловна Федорова ыалдьыттаатылар. Кинилэр умсулҕаннаах дьарыктарын туһунан олус элбэҕи наһаа үчүгэйдик кэпсээтилэр. Коллекцияларын наһаа сөбүлээтибит. Аҕалбыт оонньуурдарынан оонньоотубут, мультиктар ырыаларын ыллаатыбыт уонна эмиэ хаартыскаҕа түстүбүт. Махтанан баран өссө да кэлээриҥ диэн ыҥырдыбыт.
Айаал Колодезников, 9 саастаах.
«Илдьит» ЭКП