Хомустаах бөһүөлэгин оскуолатын историятыгар аан бастакынан оҕолор дойдубут киин куораттарыгар тиийэн ситиһиилэнэн кэллилэр.
Ол курдук, Санкт Петербурга – «Открой в себе ученого», Москваҕа «Первые шаги в науке» улахан таһымнаах күрэстэргэ кииристилэр. «Открой в себе ученого» НПК-ҕа икки оҕо кыттынна: 8-с кылаас үөрэнээччитэ Илья Артамонов лауреат (заочнай тур) буолла, 9-с кылаас үөрэнээччитэ Илона Сивцева 3-с миэстэни (очнай тур) ылла. «Первые шаги в науке» НПК-ҕа эмиэ икки оҕо кытынна: 5-с кылаас үөрэнээччитэ Павел Лугинов – 1-кы миэстэни,
6-с кылаас үөрэнээччитэ Артур Алексеев кыайыылаах үрдүк аатын ылан «Первые шаги в науке» туйгун бэлиэтинэн наҕараадаланна.
Оҕолор учууталлара Анна Ховрова, Татьяна Романова эмиэ «Наставник» туйгун бэлиэни ыллылар. Итиэннэ «Сборник тезисов XXXIII всероссийского детского конкурса «Первые шаги в науке» кинигэҕэ Артур Алексеев уонна Павел Лугинов үлэлэрэ, XI Бүтүн Россиятааҕы «Открой в себе ученого» НПК хомуурунньугар Илона Сивцева, Илья Артамонов, уонна Анна Дмитриевна, Татьяна Николаевна үлэлэрэ киирбиттэрэ эмиэ биир суолталаах ситиһии буолар.
Оҕолор куораттары көрөн-истэн, күрэстэн уопут ылан элбэҕи билэн-көрөн, сөҕөн-махтайан кэллилэр.
Мария Аргунова